Abwo kare kare, narenge omongina oyomo omogoko ekerage. Monto nacha komokwania onye endagera konye yayire nigo arenge koyebisa. Omogeni karamoborie ng’a nkiekio giatioka, nigo arenge komoiraneria,
‘Gaki ntwe ntobwati kende pi!
Enchara yatobatire ekerage,
rimisu erio tari a ndagera, n’erimisu ria ebisabo bia egentunguu twaruta riko biyie.’
Rituko erimo omosani oye agacha komokwania. Korende mosani oria taganya eero, akagenda rioka goika chikoni.
Abwo chikoni erongori nkona gotogota yare riko. Ebirengererio bigaichorera omosubati oria omogoko.
Akeeboria;
“Nki bono oyo nere acha korigia chikoni?
Naende agosaria goikaransa!
Akarongori aka gose orora”
Ageekana na komonya g’ekumbete gochia nse “otarora kia morwaire”
Omogeni oria akamotebia, “
“Erongori eyio teyieti obeke egekombe tonywe?”
Omogeni oria nkomoigwa arenge kiagera namanyete ng’a omosubati oria n’omogoko omororo.
Omosubati akamotebia;
“Obe, okagete nche n’erongori nkorosia? Nche negento ngotema korora gose nkebe buna ndengereretie”
Ekero omogeni oria anga gosuka korwa chikoni, omosubati omogoko akagenderera komenta obosie na gokonya nomogango bweching’eni. Konye megango eye babwate rero terarosigwa.
Agakonya igo, mpaka erongori eria ekaba obokima.
Oyio noro omochakano bwokoruga obokima.
Nonya obogoko bwaretete obokima, ntwe bagusii ntoacheti bogoko. Nakio abagoko bagotererwa ng’a
Eki’omogoko, n’omwana ogetoire…
Yeso oyio.
Omosani oo Axate
