Dagirasi one ogure egesima

Nche enaseretigwe gochia e-boarding mapema sana. Nkairwa Itierio boarding kinde kerasi inye. Nkaumerana na korosia obosani n’omosubati Yunesi o’ Nyabio. Bonoiga Yunesi nomoringoria bwerichiko osikire kianda gia ikomi.

Korende ekero keria, Yunesi n’omwana orenge n’egosori enyinge, naende nabo aanchete amatera buna nche. Yunesi agansomia amatera korwa ase chikanda chi’abagusii.

Okomo kwamatera Yunesi ansometie, nkoria gwa Douglas buna agwete egesima. Amang’ana aye make igo aya iga;

Dagirasi one ogure egesima,

Dagirasi one ogure egesima maama

Dagirasi one ogure egesima maama

Bwandireeee omwana one

‘Yie baba bwandire omwana one...

Chiarenge saa saba chia mogaso,

Chiarenge saa saba chia mogaso

Chiarenge saa saba chia mogaso maama,

Chiarenge saa saba chia mogaso maama,

‘yie baba bwandire omwana oneee

Obe obobesa nabwate bwaerire. Ninche ng’irane nechiropia chiisane ngotebie buna babo sokoro bantebetie nsome bokong’u tinkumeria amang’ana y’abasacha. Ati kingokora amasomo, abasacha nigo bagocha gocha buna omosafara n’echigari chinene chinene chinkendu gosaba ribaga konywoma.

Amarieta y’egesongo Ase ekegusii

Nche n’omwana oanchete chitoro sana. N’ekero nachinyorire, goika ndote chindoto chintambe.

I assure you ng’a nche n’oyomo bwa abanto baria bakonyanyara kogendereria endoto ekero yabutokera nchera ase ng'encho y'esababu eyemo gose eyende.

Yaani, in ata gwads, oise gontura naende konye tindakora korota, ginkoirana korara, endoto yane nigo ekogenderera gochia part two buna e-movie ya Nigeria. Aki warae, tari borimo.

Moisonde botuko, nigo narotete magokoro, ng’ina mama. Omong’ina orenge omongwana kianda giakomi.

Abanto nigo bakamorokire omong’ina Benorah. Nainche ngakina kimanyete ng’a baba I Benora akorokwa.

Ekero magokoro atonyorete omwaka o 1994, nario nachete komanya ng’a tinamanyete rieta riaye.

Manya gaki tari Benora riarikire e- funeral programme yaye! Baba i Leonorah barigete. Kani Leonorah ase ekegusii I Benorah. 

Nase okoinyora amarieta y’egesongo buna agoatorwa ase omonu oito nakorikeire amarieta make nse aiga. Ntebiengo amarieta aya iga ase egesongo naki akorikwa?

1.       Tamari

2.       Serebina

3.       Sibia

4.       Chebetu

5.       Kiriba

6.       Simaeri

7.       Tukiko

8.       Kerandisi

9.       Barini

10.     Kwini

11.      Baransi

Tema ngo egesaisi eke ndore mbarenga bakinerete gusii. Nabo okomenta ayande ndabe naebire.

Kanya gontarera nabo mosuko oranyore e-marking scheme.

Aye you gaki rende togo ntiga ngende lunch. Tiga tonya kororana ase ekebanda eke.

Mwanyagetinge kona koeyana more?

Igoro botuko nabo ebirengererio biansongererete mpaka chitoro chikambora. N’eseng’encho tindi gocha narengereria buya ase egesongo, ekegusii  gioka giachire omotwe one. Omoerio oye nkabora, Nyang’ate baba otakoboka okore kende kieng’encho?

Ko gaki nki kia maana ndakore saa sita chia botuko nainche ntaminyoka?

Richibu rigacha goetera ase enchera y’oboriki. Bono naigorire e-blog eye iga erinde nkonye babo Okong’o O’Mogeni nabanto baito bonsi ba mwanyagentinge bakorigia kogendereria ekegusii giato goetera ase chinchera ao ao.

Nche Nyambaria nkinerete aaria Nyamiara.  Obwana bwane nigo bwaichire omogoko nechigosori. Mara aange sokoro nabo andogete risiasie, abana baminto bakandoka ebarimo. Ase ng’encho y’emegano nare gocha ndosia.  

Ekero nkoinyora obwana bwane, nigo nkoinyora amatera ao ao tware gotera. Ninde n’ekeene ng’a naye seino ase gwakinerete mwabwate amatera. Inee, mwaterete ogotera oko gokobwatia? N’okoinyorete?

Inche n’omopastor tindi koria ng’eni,

Onye ndiria gwancha onyenyere engoko,

Kera ekimo, kera ekimo, beka ebakuri,

Abana n’abatonu, batise omosori,

Ekorasi

Engoko  ‘egwansa n’omochere,

Engoko ‘egwansa n’omochere

Nonya n’echabati nabwo egwansi engoko

Onye tokoinyoreti, tari mang’ana. Kero kende aye tori moeSDA, igo tochieti chikambi. Gose onye kore omoSDA, kero kende egwakinerete chitaoni. Yaani aye n’omwana o cerelac tari mwan’ orongori na matoke.

Tiga gaki nkore n’echorus eye magokoro ominto ansometie.

Chisasi my sebia sebia,

Chisasi my sebia sebia,

Chisasi my sebia e chisasi my sebia

He sibiti me from sinisi

(Jesus my savior, savior/ Jesus my savior, savior/ Jesus my savior, Jesus my savior/ He                     saved me from sins)

Aye you tiga tororane.